ଖୁବ୍ ଶୀଘ୍ର ପୁରୁଣା ବର୍ଷ ୨୦୨୩ ବିଦାୟ ନେବାକୁ ଯାଉଛି। ଏହି ଅବସରରେ ଲୋକମାନେ ଅନେକ ପ୍ଲାନ୍ କରନ୍ତି, ପାର୍ଟି କରନ୍ତି ଏବଂ ନିଜ ବନ୍ଧୁ ପରିବାରମାନଙ୍କୁ ବିଶେଷ ଉପହାର ଦିଅନ୍ତି। ଯାହା ଦ୍ବାରା ସେମାନଙ୍କୁ ସ୍ୱତନ୍ତ୍ର ଅନୁଭବ ହୁଏ। କିନ୍ତୁ ଆପଣ ଜାଣନ୍ତି କି ବାସ୍ତୁଅନୁଯାୟୀ, ଏପରି କିଛି ଜିନିଷ ଅଛି ଯାହାକୁ ଉପହାର ଦେବା ଅନୁଚିତ। ଯାହା ସମ୍ପର୍କରେ ଫାଟ ସୃଷ୍ଟି କରେ। ଯଦି ଆପଣ ଜାଣି ନାହାଁନ୍ତି ତେବେ ଆସନ୍ତୁ ଏହି ବିଷୟରେ ଆଲୋଚନା କରିବା….
ଘଣ୍ଟା ଏବଂ ରୁମାଲ
ନୂଆ ବର୍ଷରେ କାହାକୁ ବି ଘଣ୍ଟା କିମ୍ବା ରୁମାଲ ଉପହାର ଦିଅନ୍ତୁ ନାହିଁ। କୁହାଯାଏ ଯେ ଏହା ଦ୍ବାରା ନକାରାତ୍ମକତା ଉର୍ଜା ସୃଷ୍ଟି ହୁଏ। ଏହା ସମ୍ପର୍କରେ ଫାଟ ସୃଷ୍ଟି କରିଥାଏ ବା ଭୁଲ ବୁଝମଣା କରାଇଥାଏ। ଘଣ୍ଟା ଗିଫ୍ଟ ଦେବା ଦ୍ବାରା ସମୟ ଖରାପ ଚାଲେ ବୋଲି କୁହାଯାଏ।
ଧାରୁଆ ବସ୍ତୁ
ନୂଆ ବର୍ଷରେ ପ୍ରିୟଜନଙ୍କୁ କଦାପି ଧାରୁଆ ଉପହାର ଦେବା ଉଚିତ୍ ନୁହେଁ, କାରଣ ଏହା ସମ୍ପର୍କରେ ଫାଟ ସୃଷ୍ଟି କରିଥାଏ। ଯଦି କେହି ତୁମକୁ ଏପରି ଜିନିଷ ଉପହାର ଦିଅନ୍ତି ତେବେ ସେଗୁଡ଼ିକୁ ତୁମ ପାଖରେ ରଖ ନାହିଁ।
ଜୋତା ବା ଚପଲ
ଜୋତା, ଚପଲ କିମ୍ବା କୌଣସି ଫୁଟ୍ ୱୟାର ଭଳି ଜିନିଷ ଉପହାରରୁ ଦୂରେଇ ରୁହନ୍ତୁ। ଏହା ଦାରିଦ୍ର୍ୟ ଆଣିଥାଏ ବୋଲି ବିଶ୍ୱାସ କରାଯାଏ। ନିଜ ପ୍ରିୟ ଲୋକଙ୍କୁ ମଧ୍ୟ ଏପରି ଉପହାର ଦିଅନ୍ତୁ ନାହିଁ ଏବଂ ଅନ୍ୟ ଠାରୁ ଏସବୁ ଜିନିଷ ଗ୍ରହଣ କରନ୍ତୁ ନାହିଁ।
ପର୍ସ କିମ୍ବା ବ୍ୟାଗ୍
ମହିଳାମାନେ ଉପହାର ସ୍ୱରୂପ ପର୍ସ କିମ୍ବା ବ୍ୟାଗ ପାଇଥା’ନ୍ତି | କିନ୍ତୁ ଆପଣ ନୂଆ ବର୍ଷରେ କେବେ ବି ପର୍ସ କିମ୍ବା ବ୍ୟାଗ ଉପହାର ଦେବା ଉଚିତ୍ ନୁହେଁ, କାରଣ ଏହି କାରଣରୁ ଆପଣ ଆର୍ଥିକ ସଙ୍କଟର ସମ୍ମୁଖୀନ ହୋଇପାରନ୍ତି ଏବଂ ଦେବୀ ଲକ୍ଷ୍ମୀ ମଧ୍ୟ ଆପଣଙ୍କଠାରୁ ଦୂରେଇ ଯାଇପାରନ୍ତି |
ଇଶ୍ବରଙ୍କ ମୂର୍ତ୍ତି
ଶୁଣିବାକୁ ଅଜବ ଲାଗୁଥାଇପାରେ, କିନ୍ତୁ ଏହା ସତ୍ୟ। ଅନେକ ଲୋକ ନିଜ ପ୍ରିୟଜନଙ୍କୁ ଇଶ୍ବରଙ୍କ ମୂର୍ତ୍ତି ଉପହାର ସ୍ବରୂପ ଦିଅନ୍ତି ଯାହା ଦ୍ବାରା ନୂଆବର୍ଷରେ ଇଶ୍ବରଙ୍କ ଆଶୀର୍ବାଦ ମିଳିଥାଏ ବୋଲି କୁହାଯାଏ। ଜ୍ୟୋତିଷ ଶାସ୍ତ୍ର ଅନୁସାରେ, ନୂତନ ବର୍ଷରେ କୌଣସି ଇଶ୍ୱରଙ୍କ ମୂର୍ତ୍ତି ଉପହାର ଦେବା ଉଚିତ୍ ନୁହେଁ, କାରଣ ସେମାନଙ୍କର ରକ୍ଷଣାବେକ୍ଷଣ ଏବଂ ପୂଜା ସମ୍ବନ୍ଧରେ ବିଶେଷ ନିୟମ ରହିଛି।
ମନି ପ୍ଲାଣ୍ଟ
ଆଜିକାଲି ମନି ପ୍ଲାଣ୍ଟ ଦେବାର ଧାରା ମଧ୍ୟ ବହୁତ ଅଧିକ ରହିଛି। କିନ୍ତୁ କଦାପି କାହାକୁ ମନି ପ୍ଲାଣ୍ଟ ଉପହାର ଦେବା ଉଚିତ୍ ନୁହେଁ, କିମ୍ବା ଅନ୍ୟଡାରୁ ମନି ପ୍ଲାଣ୍ଟ ଉପହାର ସ୍ବରୂପ ଗ୍ରହଣ କରିବା ଉଚିତ୍ ନୁହେଁ, କାରଣ ଏହି କାରଣରୁ ଆପଣଙ୍କୁ ଆର୍ଥିକ ସଙ୍କଟର ସମ୍ମୁଖୀନ ହେବାକୁ ପଡିପାରେ।