ବଲିଉଡ୍ ଅଭିନେତା ମନୋଜ କୁମାରଙ୍କ ପରଲୋକ। ମନୋଜ କୁମାର ତଥା ଭରତ କୁମାରଙ୍କ ଅନୁପସ୍ଥିତି ଏବେ ସାରା ସିନେଜଗତକୁ ଅନୁଭବ ହେଉଛି। ୮୭ ବର୍ଷ ବୟସରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି। ୧୯୩୭ ମସିହା ଜୁଲାଇ ୨୪ ତାରିଖରେ ଜନ୍ମ ହୋଇଥିବା ମନୋଜ କୁମାର ଆଜି ଆଉ ଆମ ଗହଣରେ ନାହାନ୍ତି।କିନ୍ତୁ ସେ ମହାନ କଳାକାର ନିଜେ ଯେତେ ବଡ଼ ହେଇଛନ୍ତି ତାଙ୍କ ସହ ଅନେକ କଳାକାରଙ୍କୁ ବଡ଼ କରିଛନ୍ତି। ଏଇ ଯେମିତି ହୁଏତ ମୋନଜ କୁମାର ନଥିଲେ ଆଜି ଅମିତାଭ ବଚନଙ୍କୁ ଆମେମାନେ ପରଦାରେ ପାଇନଥାନ୍ତୁ। ଚାଲନ୍ତୁ ଜାଣିବା କେମିତି ଆଉ କଣ ପାଇଁ ଅମିତାଭଙ୍କୁ ମୋନଜ କୁମାର ଦେଇଥିଲେ ବଡ଼ ସୁଯୋଗ।
ମନୋଜ କୁମାରଙ୍କ ଅଧିକଂଶ ସିନେମା ଥିଲା ମ୍ୟୁଜିକାଲ୍ ହିଟ୍। ତାଙ୍କ ଅଭିନୀତ/ନିର୍ଦ୍ଦେଶିତ କେତୋଟି ଲୋକପ୍ରିୟ ଗୀତ ହେଲା ଏକ୍ ପ୍ୟାର୍ କା ନଗମା ହେ (ଶୋର୍), ଜିନ୍ଦେଗିକି ନା ଟୁଟେ ଲଡି (କ୍ରାନ୍ତି), ମେରେ ଦେଶ୍ କୀ ଧରତୀ (ଉପକାର୍), ମେଁ ନା ଭୁଲୁଙ୍ଗା (ରୋଟି କପଡ଼ା ଔର୍ ମକାନ୍), ହେ ପ୍ରୀତ୍ ଯାହାଁକି ରୀତ୍ ସଦା..(ପୂରବ୍ ଔର୍ ପଶ୍ଚିମ) ଓ ମେହେବୁବ୍ ମେରେ ମେହେବୁବ୍..(ପଥର କେ ସନମ୍)।ଭାରତୀୟ ସିନେମାରେ ଅବଦାନ ଲାଗି ମନୋଜ କୁମାରଙ୍କୁ ଭାରତ ସରକାର ୧୯୯୨ ମସିହାରେ ପଦ୍ମଶ୍ରୀ ସମ୍ମାନ ଓ ୨୦୧୫ରେ ତାଙ୍କୁ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯାଇଥିଲା। ଏହାପୂର୍ବରୁ ସେ ଗୋଟିଏ ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ବିଭିନ୍ନ ବର୍ଗରେ ସାତଟି ଫିଲ୍ମଫେୟାର ପୁରସ୍କାର ମଧ୍ୟ ଲାଭ କରିଥିଲେ।
