ଆମେ ଫୋନରେ କଥାବାର୍ତ୍ତା ହେଉ ଅବା ଚାଟିଂ, ନିଶ୍ଚିତ ଭାବରେ ଓକେ ଶବ୍ଦର ବହୁଳ ବ୍ୟବହାର କରୁ। କିନ୍ତୁ ଆପଣ ଜାଣନ୍ତି କି.. ଓକେ ଶବ୍ଦର ପ୍ରକୃତ ଅର୍ଥ କ’ଣ ? ଏହାକୁ କେଉଁଠି ଏବଂ କାହିଁକି ବ୍ୟବହାର କରାଯାଏ। ଯଦି ଆପଣ ଜାଣି ନାହାଁନ୍ତି ତେବେ ଆସନ୍ତୁ ଜାଣିବା…
ଓକେ ଶବ୍ଦ ପଛରେ ଅନେକ କାହାଣୀ ରହିଛି। Huffpost ର ଏକ ରିପୋର୍ଟ ଅନୁଯାୟୀ, ବହୁ ବର୍ଷ ଧରି ଅନେକ ଲୋକ ଯୁକ୍ତି କରନ୍ତି ଯେ, ଓକେ ଶବ୍ଦର ଆରମ୍ଭ ଆମେରିକାରୁ ହୋଇଛି। ଆମେରିକୀୟ ଭାରତୀୟ ଜନଜାତି Choctawର okeh ଶବ୍ଦରୁ ହିଁ ଆସିଛି। ସେହିଭଳି ଅନ୍ୟ କେତେକ ଲୋକ ଦାବି କରନ୍ତି ଯେ ଏହା ଆଫ୍ରିକାର ୱୋଲୋଫ ଭାଷାରୁ ନିଆଯାଇଛି।
ଓକେ ଶବ୍ଦକୁ ନେଇ Smithsonian ମ୍ୟାଗେଜିନ୍ ରେ ଏକ ଆର୍ଟିକିଲ୍ ପ୍ରକାଶ ପାଇଛି, ଯେଉଁଥିରେ ଓକେ ବିଷୟରେ ବିସ୍ତୃତ ସୂଚନା ଦିଆଯାଇଛି।
Smithsonian ମ୍ୟାଗେଜିନ୍ ଅନୁଯାୟୀ, ଓକେ ଶବ୍ଦ ଉନବିଂଶ ଶତାବ୍ଦୀର ପ୍ରାରମ୍ଭରେ ଉତ୍ପନ୍ନ ହୋଇଥିଲା। ସେତେବେଳେ ଏହା ଇଂରାଜୀ ଶବ୍ଦ ତିଆରି କରିବା ଫ୍ୟାଶନେବଲ୍ ଥିଲା । ଯାହାର ଅର୍ଥ ଇଂରାଜୀ ଶବ୍ଦକୁ ଭିନ୍ନ ଭାବରେ କୁହାଯାଉଥିଲା। ଏହି କାରଣରୁ ଅନେକ ଶବ୍ଦ ଅଛି ଯାହାର ଭୁଲ ବନାନ କରାଯାଉଥିଲା। ଯାହା ଦ୍ବାରା ମୂଳ ଶବ୍ଦରୁ ବନାନ ଶବ୍ଦ ପରିବର୍ତ୍ତନ ହୋଇଯାଉଥିଲା।
ଡକ୍ଟର ଆଲାନ୍ ୱାକରଙ୍କ ଅନୁଯାୟୀ ଏହି ଶବ୍ଦଟି Oll Korrect ରୁ ଆସିଛି। ଅନେକ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ଓକେ ଶବ୍ଦ ‘ All Correct ‘ ପାଇଁ ବ୍ୟବହୃତ ହୁଏ। କିନ୍ତୁ ପରବର୍ତ୍ତୀ ସମୟରେ Oll Korrect ଶବ୍ଦକୁ ସଂଶୋଧନ କରାଗଲା। ଏହି କାରଣରୁ AC ପରିବର୍ତ୍ତେ Ok ଶବ୍ଦ ସୃଷ୍ଟି ହେଲା। Ok ଶବ୍ଦର ଅର୍ଥ ହେଉଛି ସମସ୍ତ ଠିକ୍ ବା ଠିକ୍ ଅଛି। ଅନ୍ୟ କେତେକ ଲୋକ ଏହା ମଧ୍ୟ ବିଶ୍ୱାସ କରନ୍ତି ଯେ ସଠିକ୍ ସ୍ପେଲିଂ ହେଉଛି Okay , କିନ୍ତୁ ଲୋକମାନେ ଭୁଲ ବନାନ କରି Ok ବୋଲି ଲେଖନ୍ତି।