ପ୍ରେମ ଦେଖାଇବା ପାଇଁ ସମସ୍ତଙ୍କର ଭିନ୍ନ ଉପାୟ ରହିଛି। ଖାସ୍ କରି ଆମେ ପିଲାମାନଙ୍କୁ ଦେଖିଲେ ଚୁମ୍ବନ ଦେବାକୁ ଇଚ୍ଛା ହୁଏ। ପିଲାମାନେ ଏତେ ସୁନ୍ଦର ଯେ ସେମାନଙ୍କୁ ଦେଖିବା ଦ୍ୱାରା ସମସ୍ତେ ସେମାନଙ୍କୁ ଚୁମ୍ବନ ଦେବା ଆରମ୍ଭ କରନ୍ତି, କିନ୍ତୁ ଆପଣ ଜାଣନ୍ତି କି ଚୁମ୍ବନ କରିବା ଦ୍ବାରା ଅନେକ ପ୍ରକାର ରୋଗର ହେବାରୁ ସମ୍ଭାବନା ରହିଛି ।
ଚୁମ୍ବନ ଦ୍ୱାରା ପାଟି ରୋଗ ହେବାର ଆଶଙ୍କା ମଧ୍ୟ ବଢିଥାଏ। କାରଣ ପାଟିରେ ଥିବା ଜୀବାଣୁ ଅନ୍ୟର ପାଟିକୁ ଯାଇ ସମସ୍ୟା ସୃଷ୍ଟି କରିପାରେ। ଏପରି ପରିସ୍ଥିତିରେ, ଆଜି ଆମେ ଆପଣଙ୍କୁ କହୁଛୁ କି ଚୁମ୍ବନ କେଉଁ ରୋଗର ଆଶଙ୍କା ବଢାଇଥାଏ |
ବିଶେଷଜ୍ଞଙ୍କ ଅନୁଯାୟୀ, ଚୁମ୍ବନ ସମୟରେ ପ୍ରାୟ 80 ନିୟୁତ ଜୀବାଣୁ ବିନିମୟ ହୋଇଥାଏ। ବିଶେଷକରି ଯଦି ସାମ୍ନାରେ ଥିବା ବ୍ୟକ୍ତି ଦନ୍ତ ଚିକିତ୍ସକଙ୍କ ପାଖକୁ ଯାଉ ନାହାଁନ୍ତି କିମ୍ବା ପାଟିର ସ୍ବଚ୍ଛତା ଅନୁସରଣ କରୁ ନାହାଁନ୍ତି, ସେମାନଙ୍କ ପାଟିରୁ ଖରାପ ଜୀବାଣୁ ଅନ୍ୟ ଜଣ ପାଟିକୁ ଆସିବାର ସମ୍ଭାବନା ରହିଛି। ଯେଉଁ କାରଣରୁ ଅନେକ ପ୍ରକାରର ପାଟି ରୋଗ ହୋଇପାରେ।
ପାଟି ରୋଗ ଆପଣଙ୍କୁ କିପରି ପ୍ରଭାବିତ କରେ?
ଅନେକ ପ୍ରକାରର ମୌଖିକ ସମସ୍ୟା ଅଛି, କିନ୍ତୁ ଏହା ଜରୁରୀ ନୁହେଁ ଯେ ସମସ୍ତ ପ୍ରକାରର ପାଟି ସମସ୍ୟା ସ୍ୱାସ୍ଥ୍ୟ ପାଇଁ କ୍ଷତିକାରକ | ଯଦିଓ ଆପଣଙ୍କର ଦାନ୍ତ ଧଳା ଏବଂ ପରିଷ୍କାର, ତଥାପି ଆପଣଙ୍କୁ ପାଟି ରୋଗର ସାମ୍ନା କରିବାକୁ ପଡିପାରେ |
ଦାନ୍ତ କ୍ଷୟ (Cavity) – ସାଧାରଣତଃ ଦାନ୍ତ କ୍ଷୟ ହେତୁ ଏହି ସମସ୍ୟା ଦେଖାଦିଏ । ଯାହା ଷ୍ଟ୍ରେପଟୋକୋକସ୍ ମ୍ୟୁଟନ୍ସ ନାମକ ଏକ ନିର୍ଦ୍ଦିଷ୍ଟ ପ୍ରକାରର ଜୀବାଣୁ ଦ୍ୱାରା ବ୍ୟାପିଥାଏ । ଏହି ଜୀବାଣୁ ଏକ ସ୍ୱତନ୍ତ୍ର ପ୍ରକାରର ଏସିଡ୍ ଉତ୍ପନ କରେ ଯାହା ଧୀରେ ଧୀରେ ଦାନ୍ତର ଏନାଲ୍ ଭାଙ୍ଗିଯାଏ। ଏହା ଗୋଟିଏରୁ ଏକାଧିକ ଦାନ୍ତକୁ ସଂକ୍ରମଣ କରେ । ଚୁମ୍ବନ କରିବା ଦ୍ୱାରା ଏହି ଜୀବାଣୁ ଅନ୍ୟ ଜଣଙ୍କ ପାଟକୁ ସହଜରେ ଯାଇଥାଏ ।
ମାଢି ଫୁଲିବା (Gum Disease)– ମାଢି ଫୁଲିବା ବିଭିନ୍ନ ପ୍ରଜାତିର ଜୀବାଣୁ ଦ୍ୱାରା ହୋଇଥାଏ । ଥରେ ଏହି ଜୀବାଣୁ ସଂକ୍ରମିତ ହେଲେ ବ୍ୟକ୍ତିଙ୍କୁ ଦୀର୍ଘ ସମୟ ପର୍ୟ୍ୟନ୍ତ ଏହି ସମସ୍ୟା ଭୋଗିବାକୁ ପଡେ । ଏହି ଜୀବାଣୁ ଗୁଡିକ ମାଢି ସଂସ୍ପର୍ଶରେ ଆସିବା ଦ୍ୱାରା ବିଷାକ୍ତ ପ୍ରକ୍ରିୟା ସୃଷ୍ଟି କରି ସୂକ୍ଷ୍ମ ଚର୍ମକୁ ଫୁଲାଇ ଦେଇଥାନ୍ତି । ଯାହା ଫଳରେ ବ୍ରଶ୍ କରିବା ସମୟରେ ବା ଦାନ୍ତ ଘଷିବା ସମୟରେ କଷ୍ଟ ହୋଇଥାଏ ଏବଂ ସେଥିରୁ ରକ୍ତ ବାହାରିଥାଏ ।
ଦାନ୍ତର ମୂଳ ନଷ୍ଟ ହେବା (periodontal disease)- ପେରିଓଡୋଣ୍ଟାଲ୍ ରୋଗ ଦାନ୍ତର ମୂଳକୁ ଅଧିକ ପ୍ରଭାବିତ କରିଥାଏ । ହାଡର ଟିସୁ ଉପରେ ପ୍ରଭାବ ପକାଇବା ଆରମ୍ଭ କରେ । ଏହି କାରଣରୁ ଦାନ୍ତର ମୂଳ ନଷ୍ଟ ହୋଇଯାଏ । ଯାହା ଫଳରେ ଦାନ୍ତ ଝଡିବା ଆରମ୍ଭ ହୁଏ । ବୟସ୍କ ଅବସ୍ଥାରେ ଦାନ୍ତ ଝଡିବାର ଏହା ହେଉଛି ସବୁଠାରୁ ସାଧାରଣ କାରଣ ।