ମହିଳା ଦିବସ ୨୦୨୩ : ମାର୍ଚ୍ଚ 8 ରେ ଆନ୍ତର୍ଜାତୀୟ ମହିଳା ଦିବସ କାହିଁକି ପାଳନ କରାଯାଏ, ଏହା ସହ ଜଡିତ କିଛି ରୋଚକ ତଥ୍ୟ

କୁହାଯାଏ ଯେ ଜଣେ ମହିଳା ସମସ୍ତ ସମ୍ପର୍କକୁ ବାନ୍ଧି ରଖିଥାଏ। ସବୁ କ୍ଷେତ୍ରରେ ପୁରୁଷଙ୍କ ତୁଳନାରେ ମହିଳାଙ୍କ ଅବଦାନ ବହୁତ ଅଧିକ। ସେମାନେ କେବଳ ଘରର ଯତ୍ନ ନିଅନ୍ତି, ତାହା ନୁହେଁ କାର୍ଯ୍ୟ କ୍ଷେତ୍ରରେ ମଧ୍ୟ ନିଜ ଦାୟିତ୍ବକୁ ଅତି ନିକ୍ଷୂଣ ଭାବେ ତୁଲାଇଥାନ୍ତି। ଏହା ସହିତ ଦେଶର ପ୍ରଗତିରେ ମହିଳାମାନେ ମଧ୍ୟ ପ୍ରମୁଖ ଭୂମିକା ରହିଛି।

ମହିଳାମାନଙ୍କୁ ସେମାନଙ୍କ କାର୍ଯ୍ୟ ପାଇଁ ବିଶେଷ କୃତଜ୍ଞତା ଜଣାଇବା ସହିତ ପ୍ରତିବର୍ଷ ମାର୍ଚ୍ଚ ୮ ରେ କେବଳ ଦେଶରେ ନୁହେଁ ସମଗ୍ର ବିଶ୍ୱରେ ଆନ୍ତର୍ଜାତୀୟ ମହିଳା ଦିବସ ଆୟୋଜିତ କରାଯାଏ। ଯାହା ଦ୍ବାରା ସମଗ୍ର ବିଶ୍ୱ ମହିଳାମାନଙ୍କ ସଫଳତାକୁ ପାଳନ କରିପାରନ୍ତି।

ଆନ୍ତର୍ଜାତୀୟ ମହିଳା ଦିବସ ସବୁ ସ୍ଥାନରେ ବିଭିନ୍ନ ଉପାୟରେ ପାଳନ କରାଯାଏ ଏବଂ ମହିଳାମାନଙ୍କୁ ବିଭିନ୍ନ ଉପାୟରେ ସମ୍ମାନିତ କରାଯାଏ | କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଅନ୍ତର୍ଜାତୀୟ ମହିଳା ଦିବସ କେବଳ ମାର୍ଚ୍ଚ ୮ରେ କାହିଁକି ପାଳନ କରାଯାଏ? ଏହା ପଛର କାରଣ କ’ଣ ହୋଇପାରେ? ଏହାର ଇତିହାସ କ’ଣ ହୋଇପାରେ? ଆସନ୍ତୁ ଜାଣିବା ଏହା ସହିତ ଜଡିତ କେତେକ କାରଣ ବିଷୟରେ ….

ଇତିହାସ କ’ଣ

ଏହି ଦିନର ଇତିହାସ ପ୍ରାୟ ୧୦୮ ବର୍ଷ ପୁରୁଣା । ୧୯୦୯ ମସିହାରେ, ସୋସିଆଲ ପାର୍ଟି ଅଫ୍ ଆମେରିକା ତରଫରୁ ପ୍ରଥମେ ଏହି ଦିନ ପାଳନ କରିଥିଲା ​​। ଏଥିରେ ପ୍ରାୟ ୧୫ ହଜାର ମହିଳା ନ୍ୟୁୟର୍କରେ ଏକାଠି ହୋଇ ସ୍ୱଳ୍ପ ବେତନ, ଦୀର୍ଘ କାର୍ଯ୍ୟ ସମୟ ଏବଂ ଭୋଟ୍ ଅଧିକାର ଅଭାବକୁ ବିରୋଧ କରିଥିଲେ। ପ୍ରତି ମହିଳା ଏହି ଅଧିକାର ଜାଣିବା ଉଚିତ୍।

ସେହି ମହିଳାମାନେ ଦାବି କରୁଥିଲେ ଯେ ସେମାନଙ୍କୁ ଉତ୍ତମ ମଜୁରୀ ଦିଆଯାଉ ଏବଂ ସେମାନଙ୍କୁ ପୂର୍ଣ୍ଣ ଭୋଟ୍ ଅଧିକାର ମଧ୍ୟ ଦିଆଯାଉ। ତେଣୁ ମହିଳାମାନେ ନିଜ ଅଧିକାର ପାଇଁ ମୁହଁ ଖୋଲିଥିବାରୁ ଏହି ଦିନ ପ୍ରଥମ ଜାତୀୟ ମହିଳା ଦିବସ ଘୋଷଣା କରିଥିଲେ। ଏହା ୧୯୧୧ରେ ରଷିଆ ପ୍ରଥମ କରି ମାର୍ଚ୍ଚ ୮ରେ ମହିଳା ଦିବସ ଭାବରେ ପାଳନ କରିବା ଆରମ୍ଭ କରିଥିଲା ​​। ୧୯୧୩ ମସିହାରେ ଏହାକୁ ଏକ ସରକାରୀ ଛୁଟି ଘୋଷଣା କରାଯାଇଥିଲା ।

ଆନ୍ତର୍ଜାତୀୟ ମହିଳା ଦିବସର ଗୁରୁତ୍ୱ

ଦୁନିଆର ମହିଳାମାନେ ପ୍ରତ୍ୟେକ କ୍ଷେତ୍ରରେ ପୁରୁଷଙ୍କଠାରୁ ଆଗରେ ଅଛନ୍ତି । ଯେଉଁ ମହିଳାମାନେ କେବଳ ଦେଶରେ ନୁହେଁ ବରଂ ବିଦେଶୀରେ ମଧ୍ୟ ନିଜ ଦକ୍ଷତାକୁ ସାବ୍ୟସ୍ତ କରିଛନ୍ତି, ପୁରସ୍କାର ଅର୍ଜନ କରିଛନ୍ତି, ସେମାନେ ନିଶ୍ଚିତ ଭାବରେ ଏହି ସମ୍ମାନ ପାଇଁ ଯୋଗ୍ୟ ଅଟନ୍ତି। ସେଥିପାଇଁ ସେହି ମହିଳାମାନଙ୍କ ସମ୍ମାନର୍ଥେ ଏହି ମହିଳା ଦିବସ ପାଳନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ଯେକୌଣସି ସ୍ଥାନରେ ଏହା ସମାଜକୁ ଆଗକୁ ନେଉଥିବା ମହିଳାମାନଙ୍କୁ ସମ୍ମାନ ଦେବା ଅତ୍ୟନ୍ତ ଆବଶ୍ୟକ। ଏହା ବ୍ୟତୀତ ସମାଜର ଲୋକଙ୍କୁ ମହିଳାମାନଙ୍କ ବିଷୟରେ ସଚେତନ କରାଇବା, ମହିଳାମାନଙ୍କୁ ସେମାନଙ୍କର ଅଧିକାର ବିଷୟରେ ଅବଗତ କରାଇବା ଏବଂ ସେମାନଙ୍କୁ ଉତ୍ସାହିତ କରିବା ପାଇଁ ଆନ୍ତର୍ଜାତୀୟ ମହିଳା ଦିବସ ମଧ୍ୟ ପାଳନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ |

ଏହା କିପରି ଆରମ୍ଭ ହେଲା

ଏକ ଆନ୍ତର୍ଜାତୀୟ ସମ୍ମିଳନୀରେ ଆନ୍ତର୍ଜାତୀୟ ମହିଳା ଦିବସ ପାଳନ କରିବା ପ୍ରସଙ୍ଗକୁ ତ୍ବରାନ୍ବିତ କରାଯାଇଥିଲା। ଆନ୍ତର୍ଜାତୀୟ ମହିଳା ଦିବସ ପାଳନ କରିବାର କଳ୍ପନା କେବଳ ଜଣେ ମହିଳା ହିଁ କରିଥିଲେ। ତାଙ୍କ ନାମ କ୍ଲାରା ଜେଟକିନ୍। ୧୯୧୦ ମସିହାରେ ଏକ ଆନ୍ତର୍ଜାତୀୟ ସମ୍ମିଳନୀରେ କ୍ଲାରା ଆନ୍ତର୍ଜାତୀୟ ମହିଳା ଦିବସ ପାଳନ କରିବାକୁ ପ୍ରସ୍ତାବ ଦେଇଥିଲେ, ସେତେବେଳେ ଏହି ସମ୍ମିଳନୀରେ ୧୭ଟି ଦେଶର ୧୦୦ ମହିଳା ଉପସ୍ଥିତ ଥିଲେ।

ସମସ୍ତେ ଏହି ପରାମର୍ଶକୁ ସମର୍ଥନ କଲେ । ୧୯୧୧ ମସିହାରେ ଅଷ୍ଟ୍ରିଆ, ଡେନମାର୍କ, ଜର୍ମାନୀ ଏବଂ ସ୍ୱିଜରଲ୍ୟାଣ୍ଡରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା। କିନ୍ତୁ ସେବେଠାରୁ ଏହି ଦିନ ପାଳନ କରିବାର ଧାରା ଆରମ୍ଭ ହେଲା। ତାହା ଆଜି ପର୍ଯ୍ୟନ୍ତ ମଧ ଜାରି ରହିଛି।

ଆନ୍ତର୍ଜାତୀୟ ମହିଳା ଦିବସ କିପରି ପାଳନ କରିବେ

ଘର ହେଉ କିମ୍ବା ଅଫିସ୍, ସମସ୍ତ ମହିଳାଙ୍କୁ ବିଶେଷ ଗୁରୁ୍ତ୍ବ ଦିଆଯାଏ | ସେମାନଙ୍କୁ ସମ୍ମାନ ଜଣାଇବା ପାଇଁ ଉପହାର ଦିଆଯାଏ। କେତେକ କାର୍ଯ୍ୟାଳୟରେ ମହିଳା ଦିବସରେ ମହିଳାମାନଙ୍କୁ ଛୁଟି ଦିଆଯାଏ। ସେମାନଙ୍କୁ ବିଶେଷ ସମ୍ମାନ ଦିଆଯାଏ। ବାସ୍ତବରେ, ଏହି ବିଶେଷ ଦିନଟି ମହିଳାମାନଙ୍କୁ ସମ୍ମାନର ଏକ ମାଧ୍ୟମ ଯାହା ସେମାନଙ୍କର ମହତ୍ତ୍ୱ ବିଷୟରେ କହିଥାଏ।

ରଙ୍ଗର ପର୍ବ ହୋଲି ଏବଂ ଆନ୍ତର୍ଜାତୀୟ ମହିଳା ଦିବସ ଉପଲକ୍ଷେ ଅନେକ ଅନେକ ଶୁଭେଚ୍ଛା ଓ ଶୁଭକାମନା

ଉପସ୍ଥାପିକା ବୈଜୟନ୍ତି ନାୟକ