ପ୍ରତ୍ୟେକ ମହିଳା ଚାହାଁନ୍ତି ଯେ ତାଙ୍କ ଚେହେରା ସଫା ଓ ସୁନ୍ଦର ହେଉ। ଚେହେରାକୁ ସଫା କରିବା, ଦାଗରୁ ମୁକ୍ତି ପାଇବା ପାଇଁ ଅନେକ ପ୍ରକାରର ପ୍ରସାଧନ ସାମଗ୍ରୀ ବା କସ୍ମେଟିକ କ୍ରିମ୍ ଆଦି ବ୍ୟବହାର କରନ୍ତି। କିନ୍ତୁ ଚେହେରାରେ ପ୍ରାକୃତିକ ଚମକ ମିଳି ନଥାଏ । ଧୂଳି, ପ୍ରଦୂଷଣ ଏବଂ ମଇଳା ଯୋଗୁଁ ଚର୍ମରେ ବ୍ରଣ ଏବଂ ଦାଗ ଭଳି ସମସ୍ୟା ମଧ୍ୟ ଆରମ୍ଭ ହୁଏ । ଏହି ସମସ୍ତ ସମସ୍ୟାରୁ ମୁକ୍ତି ପାଇବା ପାଇଁ କେବଳ ପ୍ରସାଧନ ସାମଗ୍ରୀ ବ୍ୟତୀତ କିଛି ଘରୋଇ ଉପଚାର ମଧ୍ୟ କରିପାରିବେ । ଘରେ ଥିବା ଟମାଟୋରୁ ତିଆରି ଫେସ୍ ପ୍ୟାକ୍ ବ୍ୟବହାର କରି ଆପଣ ନିଜ ଚେହେରାରେ ଚମକ ଆଣିପାରିବେ। ତେବେ ଆସନ୍ତୁ ଆଜି ଆମେ ଆପଣଙ୍କୁ ଟମାଟୋରେ ପ୍ରସ୍ତୁତ ୩ଟି ଫେସପ୍ୟାକ୍ ରେ ଜଣାଇବୁ ଯାହା ଆପଣଙ୍କ ତ୍ବଚାରୁ ବ୍ରଣ, ଦାଗ ଏବଂ ପିଗମେଣ୍ଟେସନ ଦୂର କରିବ ।
ପିଗମେଣ୍ଟେସନରୁ ମୁକ୍ତି ପାଇବା ପାଇଁ ଫେସ୍ ପ୍ୟାକ୍ |
-ସର୍ବପ୍ରଥମେ ଟମାଟୋ ଏବଂ ଚିନି ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ଚେହେରାରେ ଲଗାଇ ୧୫ରୁ ୨୦ ମିନିଟ୍ ପର୍ଯ୍ୟନ୍ତ ଛାଡି ଦିଅନ୍ତୁ। ଶୁଖିବା ପରେ ମୁହଁ ଧୋଇ ଦିଅନ୍ତୁ ।
ଇନ୍ଷ୍ଟାଣ୍ଡ ଗ୍ଲୋ ବା ତତକ୍ଷଣାତ୍ ଚମକ ପାଇଁ ଫେସ୍ ପ୍ୟାକ୍ |
ଚେହେରାରେ ତତକ୍ଷଣାତ୍ ଚମକ ଆଣିବା ପାଇଁ ଆପଣ ଏହି ଫେସ୍ ପ୍ୟାକ୍ ବ୍ୟବହାର କରିପାରିବେ | ଟମାଟୋରେ ମିଳୁଥିବା ଲାଇକୋପିନ୍ ନାମକ ଏକ ଉପାଦାନ ଚର୍ମର ନଷ୍ଟ ହୋଇଥିବା କୋଷଗୁଡ଼ିକୁ ଠିକ୍ କରିବାରେ ସାହାଯ୍ୟ କରେ।
୨ରୁ ୩ଟା ଟମାଟୋ ନେଇ ସେଥିରେ ବେସନ ୨ ଚାମଚ ଏବଂ ମହୁ ୪ ବୁନ୍ଦା ମିଶାନ୍ତୁ। ଏହାକୁ ଭଲ ଭାବରେ ମୁହଁରେ ଘଷନ୍ତୁ ଏବଂ ୫ ମିନିଟ୍ ପାଇଁ ମୁହଁରେ ଛାଡିଦିଅନ୍ତୁ। ନିର୍ଦ୍ଦିଷ୍ଟ ସମୟ ପରେ ମୁହଁକୁ ସାଧା ପାଣିରେ ଧୋଇ ଦିଅନ୍ତୁ ।
ବ୍ରଣ ପାଇଁ ଫେସ୍ ପ୍ୟାକ୍ |
ଆଭୋକାଡୋ ଫଳରେ ଭିଟାମିନ୍-ଏ, ସି ଏବଂ ଇ ଭରପୁର ମାତ୍ରାରେ ଥାଏ। ଏହି ସମସ୍ତ ପୋଷକ ତତ୍ତ୍ୱ ତ୍ୱଚା ପାଇଁ ମଧ୍ୟ ଅତ୍ୟନ୍ତ ଲାଭଦାୟକ । ଭିଟାମିନ୍-ଏ ଚର୍ମକୁ ବ୍ରଣରୁ ରକ୍ଷା କରିବାରେ ସାହାଯ୍ୟ କରେ।
ପ୍ରଥମେ ଟମାଟୋ ଏବଂ ଆଭୋକାଡୋର ଚୋପା ଛଡାଇ ସେଥିରୁ ଏକ ପେଷ୍ଟ ପ୍ରସ୍ତୁତ କରନ୍ତୁ। ମୁହଁରେ ଏହି ପେଷ୍ଟକୁ ୧୦ରୁ ୧୫ ମିନିଟ୍ ପର୍ଯ୍ୟନ୍ତ ଛାଡି ଦିଅନ୍ତୁ। ନିର୍ଦ୍ଦିଷ୍ଟ ସମୟ ପରେ ମୁହଁକୁ ଥଣ୍ଡା ପାଣିରେ ଧୋଇ ଦିଅନ୍ତୁ। ଦେଖିବେ ତୁରନ୍ତ ଆପଣଙ୍କ ଚେହେରାରେ ଚମକ ଆସିବ।