ଧନତେରସ ଦିନ ଘରକୁ କେଉଁ କେଉଁ ସବୁ ଜିନିଷ ଆଣିଲେ ଶୁଭ ହୋଇଥାଏ !

ଦୀପାବଳି ପୂର୍ବଦିନ ପଡିଥାଏ ଧମତେରାସ । କୁହାଯାଏ ରେ ସୁନା କିମ୍ବା ରୂପା କିଣିଲେ ଘରକୁ ସୁଖ ଓ ସମୃଦ୍ଧି ଆସିଥାଏ । ଆଗରୁ ଓଡିଶା ପରମ୍ପରାରେ ଅକ୍ଷୟ ତୃତୀୟାରେ ସୁନା କିମ୍ବା ରୂପା କିଣିଲେ ସମୃଦ୍ଧି ଆସିଥାଏ ବୋଲି ବିଶ୍ୱାସ ରହିଛି । ଏବେ କିନ୍ତୁ ଗତ କିଛି ବର୍ଷ ହେଲା ଧନତେରାସକୁ ବି ଶୁଭଦିନ ବୋଲି ବିବେଚନା କରାଯାଉଛି । ଲୋକେ ଅଧିକ ସୁନା କିଣିବାକୁ ଆଗ୍ରହ ପ୍ରକାଶ କରୁଛନ୍ତି । ଧନତେରାସ ଓ ଅକ୍ଷୟତୃତୀୟା ଭଳି ପର୍ବରୁ ଲୋକଙ୍କ ସୁନା ଓ ରୂପା କିଣିବା ପ୍ରତି ଆଗ୍ରହ ବଢୁଛି ତେଣୁ ଏହାକୁ ଦୃଷ୍ଟିରେ ରଖି ସୁନାଗହଣା ଦୋକାନ ବି ଖୋଲୁଛି । ତେବେ ଲୋକେ କାହିଁକି ସୁନା କିିଣିବାକୁ ଆଗ୍ରହ ପ୍ରକାଶ କରୁଛନ୍ତି । ଲୋକମାନଙ୍କ ବିଶ୍ୱାସ ରହିଛି, ଧନତେରସରେ ସୁନା କିଣିଲେ ଘରକୁ ଭାଗ୍ୟଦେବୀ ଆସନ୍ତି । ଏହି ଦିନ ଲୋକମାନେ ସୁନା ଗହଣା ଦୋକାନରୁ ମାଆ ଲକ୍ଷ୍ମୀଙ୍କ ପ୍ରତିମା ଥିବା ରୁପା କଏନ୍ ଏବଂ ସୁନା କଏନ୍ କିଣିଥାନ୍ତି । ଏପଟେ ସାଧାରଣ ଲୋକଙ୍କ ଚାହିଦାକୁ ଦୃଷ୍ଟିରେ ରଖି ମଧ୍ୟ କିଛି ଜ୍ୱେଲର୍ସ ବିଭିନ୍ନ ଅଫର ସହ ଗହଣା ବିକ୍ରି କରୁଛନ୍ତି । ସୌଭାଗ୍ୟ ଓ ଧନର ଦିବସ ଭାବେ ଏହାକୁ ପାଳନ କରିଥାନ୍ତି ସମସ୍ତେ ।ହିନ୍ଦୁ ର୍ଧଶାସ୍ତ୍ର ଅନୁଯାୟୀ, ଭଗବାନ ଧନ୍ୱନ୍ତରୀ ଏହିଦିନ ସମୁଦ୍ର ମନ୍ଥନ ସମୟରେ ସୁନା କଳସ ନେଇ ପ୍ରକଟ ହୋଇଥିଲେ। ଆଉ ସେହି କଳସରେ ଥିବା ଅମୃତ ପାନ କରି ଦେବତାମାନେ ଅମର ହୋଇଯାଇଥିଲେ। ଆଉ ଏହାର ୨ ଦିନ ପରେ ମା’ଲକ୍ଷ୍ମୀଙ୍କର ପ୍ରକଟ ହୋଇଥିବା କୁହାଯାଏ। ତେଣୁ ଦୀପାବଳିର ୨ ଦିନ ପୂର୍ବରୁ ଧନତେରସ ପାଳନ କରାଯାଇଥାଏ। ଆହୁରି ମଧ୍ୟ କୁହାଯାଏ ଧନ୍ୱନ୍ତରୀ ଦେବତାଙ୍କର ବୈଦ୍ୟ ଥିଲେ। ତେଣୁ ଧନ୍ୱନ୍ତରୀଙ୍କୁ ପୂଜାକଲେ ଶରୀର ସୁସ୍ଥ ରହିଥାଏ।  ଏହି ଦିନ କିଣାକିଣି କଲେ ୧୩ ଗୁଣ ଅଧିକ ଲାଭଦାୟକ ହୋଇଥାଏ ବୋଲି କୁହାଯାଏ। ସେଥିପାଇଁ ଏହି ଦିନ ବଜାରରେ ଦୋକାନମାନଙ୍କରେ ଲୋକଙ୍କ ଭିଡ ଜମିଥାଏ।

ଧନତେରସ ଦିନ ଘରକୁ କେଉଁ କେଉଁ ସବୁ ଜିନିଷ ଆଣିଲେ ଶୁଭ ହୋଇଥାଏ !

-କୁହାଯାଏ କି ଯେତେବେଳେ ଭଗବାନ ଧନନ୍ତରୀ ପ୍ରକଟ ହୋଇଥିଲେ ସେତେବେଳେ ସେ ଏକ ପାତ୍ରରେ ଅମୃତ ନେଇ ଆସିଥିଲେ। ତେଣୁ ଧନତେରସ ଦିନ ପିତଳ ପାତ୍ର କିଣିବା ଅତ୍ୟନ୍ତ ଶୁଭ ମାନାଯାଏ।

-ଲୁଣ। ଅନେକ ଲୋକ ଅନେକ ଲୋକ ଧନତେରସ ଦିନ ସୁନା ରୂପା ପିତଳ ଆଦି ଜିନିଷ ଘରକୁ ଆଣିଥାନ୍ତି କିନ୍ତୁ ଏହା ବଦଳରେ ଯଦି ଆପଣ ଗୋଟେ ଲୁଣ ପକେଟ ଧନତେରସ ଦିନ ଘରକୁ ଆଣିବେ ତାହେଲେ ଆପଣଙ୍କର ଧନର ବୃଦ୍ଧି ହେବ। କାରଣ ଲୁଣ ଆପଣଙ୍କୁ ସାମାନ୍ୟ ଲାଗୁଥିବ କିନ୍ତୁ ଲୁଣର ସମ୍ବଦ୍ଧ ମା ଲକ୍ଷ୍ମୀଙ୍କ ସହିତ ରହିଥାଏ।

-ହଳଦୀ। ଆପଣ ଯଦି ଧନତେରସ ଦିନ ଖଣ୍ଡ ହଳଦୀ ଘରକୁ ଆଣିବେ ତେବେ ଆପଣଙ୍କର ବହୁତ ଶୁଭ ହୋଇଥାଏ। ଆପଣଙ୍କର ଭାଗ୍ୟରେ ପରିବର୍ତ୍ତନ ହୋଇଥାଏ।

-ଧନିଆ ମଞ୍ଜି। ଧନତେରସ ଦିନ ଧନିଆର ମଞ୍ଜି କ୍ରୟ କରି ତାକୁ ଦୀପାବଳି ଦିନ ରୋପଣ କଲେ ଧନହାନି ହୋଇ ନଥାଏ।

-ଗୋମତି ଚକ୍ର। ଗୋମତି ଚକ୍ର ଆପଣଙ୍କୁ ମାର୍କେଟରେ ବହୁତ ସହଜରେ ମିଳିଯିବ। ଏହି ଗୋମତି ଚକ୍ରକୁ ଯଦି ଆପଣ ଧନତେରସ ଦିନ ଘରକୁ ଆଣିବେ ତାହେଲେ ଆପଣଙ୍କର ଧନ ଧାନ୍ୟରେ ବୃଦ୍ଧି ହୋଇଥାଏ।

-ଶ୍ରୀଯନ୍ତ୍ର ଏବଂ କୁବେର ଯନ୍ତ୍ର। ଯଦି ଆପଣ ଧନତେରସ ଦିନ ଶ୍ରୀଯନ୍ତ୍ର ଏବଂ କୁବେର ଯନ୍ତ୍ର ଘରକୁ ଆଣି ନିଜର ଧନ ରଖିବା ସ୍ଥାନରେ ରଖିବେ ଆପଣଙ୍କର ଧନରେ ବୃଦ୍ଧି ହୋଇଥାଏ।

-ରୂପାରେ ତିଆରି ମା ଲକ୍ଷ୍ମୀଙ୍କର କିମ୍ବା ଭଗବାନ ଗଣେଶଙ୍କଙ୍କର ମୂର୍ତ୍ତି। ଧନତେରସ ଏବଂ ଦୀପାବଳି ଦିନ ବିଧି ବିଧାନରେ ପୂଜା କରିବା ପରେ ରୂପାରେ ତିଆରି ମା ଲକ୍ଷ୍ମୀ କିମ୍ବା ଗଣେଶଙ୍କର ମୂର୍ତ୍ତି ଘରେ ସ୍ଥାପିତ କରନ୍ତୁ। ଏହା କରିବା ଦ୍ୱାରା କେବେବି ଧନର କମି ହୋଇନଥାଏ ଆଉ ଘରେ ସୁଖ ଶାନ୍ତିର ବାସ ହୋଇଥାଏ।

-ଲଘୁ ନଡ଼ିଆ। ଏହି ନଡ଼ିଆ ସାମାନ୍ୟ ନଡ଼ିଆ ଠାରୁ ଟିକେ ସାନ ହୋଇଥାଏ। ଏହା ଶ୍ରୀ ଫଳ ମଧ୍ୟ କୁହାଯାଇଥାଏ ଅର୍ଥାତ ମା ଲକ୍ଷ୍ମୀଙ୍କର ଫଳ। ଧନତେରସ କିମ୍ବା ଦୀପାବଳି ଦିନ ପୂଜା କରିବା ଘରେ ଏହି ନଡ଼ିଆକୁ ଲାଲ କପଡ଼ାରେ ବାନ୍ଧି ଏମିତି ଜାଗାରେ ରଖି ଦିଅନ୍ତୁ ଯେଉଁଠି ସମସ୍ତଙ୍କର ଆଖି ନପଡିବ। ଏମିତି କରିବା ଦ୍ୱାରା ମା ଲକ୍ଷ୍ମୀ ପ୍ରସନ୍ନ ହେବେ ଆଉ ଆପଣଙ୍କର ଘରେ ବାସ କରିବେ।

-ମା ଲକ୍ଷ୍ମୀଙ୍କର ଚରଣ ପାଦୁକା। ଧନତେରସ କିମ୍ବା ଦୀପାବଳି ଦିନ ରୂପାର ମା ଲକ୍ଷ୍ମୀଙ୍କ ଚରଣ ପାଦୁକାକୁ ଘରେ ସ୍ଥାପିତ କରନ୍ତୁ ଏବଂ ପ୍ରତିଦିନ ଏହାକୁ ପୂଜା କରନ୍ତୁ। ଯଦି ଆପଣ ରୂପାରେ ଆଣିପାରୁ ନାହାନ୍ତି ତେବେ କେଉଁ ବି ଚରଣ ପାଦୁକା ସ୍ଥାପିତ କରନ୍ତୁ। ଏହା ଦ୍ୱାରା ମା ଲକ୍ଷ୍ମୀଙ୍କର ବିଶେଷ କୃପା ଆପଣଙ୍କୁ ପ୍ରାପ୍ତ ହେବ।

-କଉଡ଼ି। ଏହି ଜିନିଷ ଦେଖିବାରେ ତ ବହୁତ ସାମାନ୍ୟ ଅଟେ କିନ୍ତୁ ଏହାର ପ୍ରଭାବ ବହୁତ ଚମତ୍କାରି ହୋଇଥାଏ। ଏହାକୁ ମା ଲକ୍ଷ୍ମୀଙ୍କର ପ୍ରତୀକ ବୋଲି ମାନାଯାଇଥାଏ। ଧନତେରସ କିମ୍ବା ଦୀପାବଳି ଦିନ ଯଦି ଆପଣ ଏହାକୁ ପୂଜା ଘରେ କିମ୍ବା ସିନ୍ଦୁକରେ ସ୍ଥାପିତ କରିଦେବେ ତେବେ ଆପଣଙ୍କର ଘରେ ଧନର ବର୍ଷା ହୋଇଥାଏ।