ଡେଙ୍ଗୁ ଆଲର୍ଟ ! ଅକ୍ଟୋବର ମାସରେ ଆହୁରି ହେବ ସଂଘାତିକ, ବର୍ତ୍ତମାନ ଠାରୁ ହୋଇଯାଆନ୍ତୁ ସତର୍କ

ପୁଣି ଥରେ ଡେଙ୍ଗୁ କାୟା ବିସ୍ତାର କରିଛି। ଉତ୍ତରପ୍ରଦେଶ, ୟୁପି, ବିହାର, ପଶ୍ଚିମବଙ୍ଗ ଏବଂ ତାମିଲନାଡୁ ଆଦି ରାଜ୍ୟରେ ଡେଙ୍ଗୁ ସଂକ୍ରମଣ କ୍ରମାଗତ ବୃଦ୍ଧି ପାଉଛି। କେବଳ କର୍ଣ୍ଣାଟକରେ ୭ ହଜାର ରୁ ଅଧିକ ରୋଗୀ ଚିହ୍ନଟ ହୋଇଥିବାବେଳେ ଦିଲ୍ଲୀରେ ମଧ୍ୟ ସ୍ଥିତି ଭଲ ନାହିଁ। ଦିଲ୍ଲୀ ନିକଟସ୍ଥ ଗାଜିଆବାଦ ଏବଂ ନୋଏଡାଠାରେ DEN-2 ଷ୍ଟ୍ରେନ୍ ମାମଲା ରିପୋର୍ଟ ହେବା ପରେ ଲୋକମାନେ ଆହୁରି ଆତଙ୍କିତ ଅବସ୍ଥାରେ ଅଛନ୍ତି।

ଗତ ୫୦ ଦିନ ମଧ୍ୟରେ ଦିଲ୍ଲୀରେ ଡେଙ୍ଗୁ ରୋଗୀଙ୍କ ସଂଖ୍ୟା କ୍ରମାଗତ ବୃଦ୍ଧି ପାଉଛି। ଜ୍ବରରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତ୍ତି ହେଉଥିବା ରୋଗୀଙ୍କ ମଧ୍ୟରୁ ଅଧିକାଂଶ ରୋଗୀ ଡେଙ୍ଗୁରେ ପୀଡିତ ବୋଲି ଚିହ୍ନଟ ହେଉଛନ୍ତି।  ମେ ’ମାସରେ ଦିଲ୍ଲୀରେ ୨୩, ଜୁନ୍ ମାସରେ ୪୦୧ ଏବଂ ୧୨୧ ଟି ଡେଙ୍ଗୁ ଆକ୍ରାନ୍ତ ହୋଇଥିବା ରିପୋର୍ଟରୁ ଜଣାପଡିଛି।

ସ୍ବାସ୍ଥ୍ୟ ବିଶେଷଜ୍ଞଙ୍କ ମତରେ ଆଗାମୀ ଦିନରେ ଡେଙ୍ଗୁ ରୋଗ ବୃଦ୍ଧି ପାଇବାର ଆଶଙ୍କା ରହିଛି। ଅକ୍ଟୋବର ମାସରେ ଏହାର ସ୍ଥିତି ଅଣାୟତ ହୋଇପାରେ। ସେଥିପାଇଁ ଲୋକଙ୍କୁ ସତର୍କ ରହିବା ପାଇଁ ପରାମର୍ଶ ଦିଆଯାଇଛି। ଆକ୍ରାନ୍ତ ରୋଗୀଙ୍କ ଠାରେ ଭିନ୍ନ ଭିନ୍ନ ପ୍ରକାର ଲକ୍ଷଣ ଦେଖାଯାଉଛି। ଦିଲ୍ଲୀ-ଏନସିଆରରେ ଆକ୍ରାନ୍ତ ରୋଗୀଙ୍କ ଠାରେ ଜ୍ୱର, ଆଣ୍ଠୁ ଗଣ୍ଠି ଯନ୍ତ୍ରଣା, ପ୍ରବଳ ମୁଣ୍ଡବିନ୍ଧା, ଆଖି ତଳେ ଯନ୍ତ୍ରଣା ଏବଂ କୁଣ୍ଡେଇ ହୋଇ ଚର୍ମ ଫୁଲି ଯିବା ଭଳି ଦେଖିବାକୁ ମିଳିଛି। ଏହାର ଅଧିକାଂଶ ଲକ୍ଷଣ ଚିକୁଙ୍ଗୁନିଆ ସହିତ ସମାନ ରହିଛି।

ବାସ୍ତବରେ ଡେଙ୍ଗୁ ଜ୍ୱରରେ ବିଭିନ୍ନ ପର୍ଯ୍ୟାୟ ରହିଛି। ସାଧାରଣ ପର୍ଯ୍ୟାୟରେ ଜ୍ୱର ବହୁତ ଅଧିକ ହୋଇଥାଏ କିନ୍ତୁ ରୋଗୀ ଏକ ସପ୍ତାହ ମଧ୍ୟରେ ସୁସ୍ଥ ହୋଇଯାଏ। ଜଟିଳ ପର୍ଯ୍ୟାୟରେ ପ୍ଲେଟଲେଟ୍ କମିବା ଆରମ୍ଭ ହୁଏ, ଏହି ପର୍ଯ୍ୟାୟକୁ ହେମୋରାଜିକ୍ ଫବର ବୋଲି କୁହାଯାଏ।

ଡେଙ୍ଗୁ ଭାଇରସ୍ ବିଶେଷତଃ ୪ ପ୍ରକାରର ରହିଛି। DEN1, DEN2, DEN3 ଏବଂ DEN4 ସେରୋଟାଇପ୍ । DEN1 ଏବଂ DEN3 ସେରୋଟାଇପ୍ DEN2 ସେରୋଟାଇପ୍ ଏବଂ DEN4 ସେରୋଟାଇପ୍ ଅପେକ୍ଷା କମ୍ ବିପଜ୍ଜନକ। ଏଥର କେବଳ ଡେନ୍ 2 ଅଧିକ ଦେଖାଯାଉଛି। ଏଭଳି ପରିସ୍ଥିତିରେ ଡେଙ୍ଗୁରୁ ନିଜକୁ ରକ୍ଷା କରିବାର ସବୁଠାରୁ ପ୍ରଭାବଶାଳୀ ଏବଂ ସହଜ ଉପାୟ ହେଉଛି, ସମୟ ଥାଉଁ ଥାଉଁ ଏବିଷୟରେ ଅବଗତ ହେବା ଏବଂ ମଶା ଦାଉରୁ ନିଜକୁ ରକ୍ଷା କରିବା ଅର୍ଥାତ୍ ମଶାର ପ୍ରଜନନକୁ ବନ୍ଦ କରିବା। ସେଥିପାଇଁ ଘର ଚାରିପଟେ କୌଣସି ଆବର୍ଜନା ପକାଇବା ନାହିଁ। ଟାୟାର, ନଡିଆ ବା ପଇଡ ଘୋଳ, ଭଙ୍ଗା ପାତ୍ର ଆଦି ଏଣେତେଣେ ପକାଇବା ନାହିଁ। ଯେଉଁଥିରେ ପାଣି ଜମି ରହିବା ଦ୍ବାରା ମଶାମାନଙ୍କ ବଂଶ ବୃଦ୍ଧି ହେବ।

ଡେଙ୍ଗୁ ଲକ୍ଷଣ

-ମୁଣ୍ଡବିନ୍ଧା

– ମାଂସପେଶୀ, ହାଡ ଏବଂ ଗଣ୍ଠିରେ ପ୍ରବଳ ଯନ୍ତ୍ରଣା।

-ବାନ୍ତି ।

-ବ୍ୟସ୍ଥତା ଲାଗିବା।

– ଆଖିରେ ଯନ୍ତ୍ରଣା |

-ଚର୍ମ ଉପରେ ଲାଲ୍ ଦାଗ |

-ଗ୍ରନ୍ଥିଗୁଡିକ ଫୁଲିବା।

କିଭଳି ରକ୍ଷା ପାଇବେ ?

– ପ୍ରଚୁର ପାଣି ପିଅନ୍ତୁ ଯାହା ଦ୍ବାରା ଶରୀରରୁ ବିଷାକ୍ତ ଉପାଦାନଗୁଡିକ ନିର୍ଗତ ହେବ ଏବଂ ଅନ୍ତନଳୀ ସଠିକ୍ ଭାବରେ ସଫା ହୋଇଯିବ ।

– ମଶା ଘର ଭିତରକୁ ନ ଆସିବା ପାଇଁ, ଝରକା ଏବଂ କବାଟ ବନ୍ଦ ଯଥା ସମ୍ଭବ ବନ୍ଦ ରଖନ୍ତୁ, ନଚେତ୍ ମଶା ଜାଲ ମଧ୍ୟ ବ୍ୟବହାର କରିପାରିବେ।

– ଆପଣ ନିଜେ ଓ ପିଲାମାନେ ଲମ୍ବା ସ୍ଲିଭ୍ ସାର୍ଟ ଏବଂ ପ୍ୟାଣ୍ଟ ପିନ୍ଧନ୍ତୁ। ହାଲୁକା ରଙ୍ଗର ପୋଷାକ ପିନ୍ଧନ୍ତୁ, ଯାହା ମଶାମାନଙ୍କୁ ଆପଣଙ୍କଠାରୁ ଦୂରରେ ରଖିବ।

– ପ୍ରତିଦିନ କିଛି ବ୍ୟାୟାମ କରନ୍ତୁ, ଯାହା ଦ୍ବାରା ଆପଣଙ୍କ ଶରୀରରୁ ଝାଳ ବାହାରିବ। ଏହା ବ୍ୟତୀତ କିଛି ସମୟ ପ୍ରାଣାୟାମ ମଧ୍ୟ କରନ୍ତୁ ।

-ଘରର କୋଣକୁ ଭଲଭାବେ ସଫା ରଖନ୍ତୁ, ଘର ଚାରିପାଖରେ ଜଳ ଜମା ହେବାକୁ ଦିଅନ୍ତୁ ନାହିଁ।

ଡେଙ୍ଗୁରୁ ରକ୍ଷା ପାଇବା ପାଇଁ କ’ଣ ଖାଇବେ ?

ତୁଳସୀ ପତ୍ର- ଅଧା ଗ୍ଲାସ ପାଣିରେ ୧୦ଟି ତୁଳସୀ ପତ୍ର ନେଇ ଫୁଟାନ୍ତୁ। ପାଣି ଅଧା ଫୁଟିଗଲେ ଏହାକୁ ପିଅନ୍ତୁ।

ମୌସୁମୀ ଫଳ – ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାକୁ ପ୍ରଚୁର ପରିମାଣର ମୌସୁମୀ ଫଳ ବା ଋତୁକାଳୀନ ଫଳ, ସବୁଜ ପନିପରିବା, ଡାଲି, କ୍ଷୀର-ହଦି ଇତ୍ୟାଦି ଖାଆନ୍ତୁ।

ହାଇଡ୍ରେଟିଂ ପାନୀୟ – ହାଇଡ୍ରେଟିଂ ପାନୀୟ ପିଅନ୍ତୁ ଏବଂ କଫିନ୍ ପାନୀୟଠାରୁ ଦୂରରେ ରୁହନ୍ତୁ।

ନଡିଆ ପାଣି – ଡେଙ୍ଗୁରେ ଆକ୍ରାନ୍ତ ରୋଗୀଙ୍କ ପାଇଁ ନଡ଼ିଆ ବା ପଇଡ ପାଣି ଅତ୍ୟନ୍ତ ଲାଭଦାୟକ। ଏହା ଶରୀରରେ ଜଳର ଅଭାବକୁ ପୂରଣ କରିଥାଏ।